بیر دامچایام کی تئل لرینگ
دالغالاری چایا چکر
من گچمیشم او کؤرپودن
کی گؤزلرینگ آیا چکر
تئل لرینگدن دارا منی
چک...ائيله بیچارا منی
ایستیر قاشینگ یارا منی
بو تایدان او تایا چکر
سن اولموشانگ دیلیم،سؤزوم
پئشیمانام داها اؤزوم
ایستیرام کی قچم،گؤزوم
بیر گچیلمز قایا چکر
تئلينگ چکمیش خنجرینی
توتموش عالم خاورینی
ایندی تئلينگ لشکرینی
بوردان اوروپــایا چکر
گؤز آتاندا ساری تئلينگ...
من یاتاندا ساری تئلينگ...
گؤن باتاندا ساری تئلينگ
اوتونو دونیایا چکر
دومان گئتدینگ آیاز گلنگ
قاچاق گئتدینگ موجاز گلنگ
سن قیش گئتدینگ کی یاز گلنگ
انتظاریم یایا چکر